თბილისი (GBC) – ბელარუსულ კომპანია MOGILEV METALLURGICAL WORKS-ი საქართველოში ლიფტების წარმოებას განიხილავს.

ინიციატივა  ბელარუსის მხარემ საპარტნიორო ფონდის მენეჯმენტს გააცნო. მხარეებმა ამ მიმართულებით სამომავლო პარტნიორული ურთიერთობის პერსპექტივები განიხილეს.

საუბარია ბელარუსულ კომპანია MOGILEV METALLURGICAL WORKS-ის წარმოების ანალოგიის შექმნაზე საქართველოში.  აღნიშნული კომპანია აწარმოებს მაღალი ხარისხის სერტიფიცირებულ პროდუქტს და ორიენტირებულია ნანო ტექნოლოგიებზე.

ეს ერთ-ერთი თემა იყო საპარტნიორო ფონდის მენეჯმენტისა და  ბელარუსის დელეგაციის შეხვედრაზე.

ფონდს ბელარუსის ინდუსტრიის მინისტრის მოადგილე ალექსანდრე ოგოროდნიკოვი, საგარეო საქმეთა მინისტრის მოადგილე ანდრეი ევდოჩენკო და ბელარუსის ელჩი საქართველოში მიხაილ მიატლიკოვი ესტუმრა.

შეხვედრა გაცნობითი ხასიათის იყო. მხარეებმა სამომავლო თანამშრომლობის პერსპექტივები განიხილეს და კონკრეტული პროექტების შესახებ ისაუბრეს.

ბელარუსის დელეგაციის წევრებმა საპარტნიორო ფონდთან თანამშრომლობით საქართველოში მაღალი ტექნელოგიების სფეროში ინვესტირების სურვილი გამოთქვეს.