თბილისი (GBC) - "IDS ბორჯომი საქართველო" სს "ბორჯომში" წილის 100%-მდე შევსების სურვილს, კომპანიის განვითარებისთვის, ეფექტიანი გადაწყვეტილებების მიღების განზრახვით ხსნის. 

"დღეის მდგომარეობით  "IDS ბორჯომი საქართველოს", როგორც სააქციო საზოგადოების აქციათა98.4367% მესაკუთრეს,   კანონი გვაძლევს შესაძლებლობას შევიძინოთ აქციების დარჩენილი პროცენტი და გავხდეთ სააქციო საზოგადოების 100% -იანი წილის მფლობელები, რაც მომავალში მოგვცემს საშუალებას უფრო თამამად განვახორციელოთ  დაგეგმილი საკმაოდ ამბიციური პროექტები", - განუცხადეს GBC-ის კომპანიაში.

სამომავლო პროექტებს შორის N2 -ე ჩამოსხმელი ქარხნის სრული რენოვაცია დასახელდა, რაც  ყვიბისში მდებარე ქარხნის შენობა- ნაგებობის ასევე, ტექნოლოგიური ხაზების განახლებას ითვალისწინებს.  

შეგახსენებთ,  ბორჯომის N1 ჩამომსხმელი ქარხნის სრული რენოვაცია 2014 წელს განხორციელდა. აშენდა და ექსპლუატაციაში გაეშვა ახალი ქარხანა, ახალი ჩამომსხმელი ხაზებით.