ავტობუსებში განთავსდა გადახდის თანამედროვე სისტემა. ახალი სალარო აპარატის საშუალებით მგზავრობის საფასურის გადახდა მეტრომანით, შეღავათიანი სატარიფო ბარათებითა და საქართველოს ბანკის ნებისმიერი ბარათის საშუალებითაა შესაძლებელი. უახლოეს პერიოდში საფასურის გადასახდელად მგზავრები სხვა ნებისმიერი ბანკის ბარათების გამოყენებასაც შეძლებენ.

მგზავრობის საფასურზე სტანდარტული ტარიფი მოქმედებს - 50 თეთრი და მერიის მიერ დაწესებული შეღავათები.

მერიის ცნობით, დაგეგმილია აეროპორტის ტერიტორიაზე სერვის-ცენტრის განთავსება, სადაც თბილისში ჩამოსული სტუმრები მარტივად შეძლებენ მუნიციპალური ტრანსპორტის ბარათის შეძენას.

N37 ხაზზე მოძრავი „ბოგდანის“ მარკის პატარა ავტობუსები ტექნიკური შემოწმებისა და რემონტის შემდეგ იმ მარშრუტებს დაემატება, სადაც ავტობუსების ნაკლებობაა, კერძოდ კი N19, N50, N72, N101 ხაზებზე.

შემდეგ ეტაპზე ახალი ავტობუსები N14 მარშრუტზე დაინიშნება, რომელიც დიდი დიღმიდან ბარათაშვილის ხიდის მიმართულებით მოძრაობს.

დედაქალაქს 2017 წლის აპრილიდან 143 ახალი ავტობუსი მოემსახურება.