თბილისი (GBC) –  კომპანია „ზეარის“, რომელიც VIP სეგმენტშია წარმოდგენილი, ავსტრალიის ბაზარზე გავიდა.

კომპანიამ  ჭაჭას საცდელი პარტია პლანეტის ყველაზე პატარა კონტინენტზე ორი კვირის წინ გაიტანა და მასიური ექსპორტის დაწყებამდე მომხმარებელთა მოთხოვნის შესწავლას ახორციელებს. 

კომპანიის დირექტორი რამაზ კრიჭინაშვილი GBC-სთან აცხადებს, რომ  ზეარის ჭაჭა წარმატებით იყიდება ყაზახეთში, აზერბაიჯანში და ასევე მცირე მოცულობით ესტონეთშიც.

მოლპარაკებები ასევე მიმდინარეობს სხვა ქვეყნებთან, მათ შორის ყოფილი დსთ-ის ქვეყნებთან. 10 დღეში კი რუსეთში ექსპორტის საკითხი უნდა გადაწყდეს, სადაც „ზეარის“ ჭაჭა უფრო მაღალ კლასში იქნება წარმოდგენილი.

კომპანიის გეგმა ბაზრების დივერსიფიცირება და როგორც ადგილობრივ, ასევე საერთაშორისო ბაზრებზე VIP სეგმენტში დარჩენაა. მათი წარმოებაც ჯერ მოკრძალებულია სულ 10,000 ბოთლი (0.75 ლ)

ზეარის ჭაჭა ადგილობრივ ბაზარზე $45-დან $400-მდე ღირს. ავსტრალიაში მისი ფასი $160-180 დოლარია. 

„ზეარის“ პროდუქცია ადვილად ამოსაცნობია, განსაკუთრებული ტარის გამო.

საქართველოში დამზადებული პროდუქტის ინოვაციურმა შეფუთვამ 2015 წლის ნოემბერში საერთაშორისო აღიარებაც მოიპოვა, გერმანიაში გამართულ ინოვაციური სასმელების კონკურსზე, სადაც ჭაჭის მწარმოებელი კომპანია „ზეარის" სამ ფინალისტს შორის მოხვდა „საუკეთესო შეფუთვის" ნომინაციაში.