თბილისი (GBC) - სადაზღვევო კომპანია ალდაგი სავაჭრო ცენტრ ბავშვთა სამყაროში მომხდარი ხანძრით გამოწვეულ ზარალს უკვე ითვლის.

კომპანიაში განმარტავენ, რომ მხოლოდ შენობა იყო დაზღვეული, ადგილზე უკვე იმყოფება ტექნიკური ჯგუფი, რომელიც დეტალებს არკვევს.

ჩატარდება ექსპერტიზები, რომელიც ხანძრის მიზეზს და ზარალის ოდენობას დაადგენს, სწორედ დასკვნებზეა დამოკიდებული მფლობელებისთვის ზარალის ანაზღაურების მოცულობა. 

GBC-ს ალდაგში განუცხადეს, რომ შენობა 6 მლნ ლარად არის დაზღვეული. 

ძლიერი ხანძრის შედეგად შენობა დაიწვა, მზიდმა კონსტრუქციამ დაზიანება მიიღო და მოხდა მისი ნაწილობრივ ჩამოშლა.

რა ზარალი მიიღო მოიჯარეებმა ესეც უცნობია, მოვაჭრეების თქმით, მათი ზარალი 100 ათასობით ლარია, თუმცა როგორც ირკვევა, მათ საქონელი დაზღვეული არ ჰქონიათ.