თბილისი (GBC) - 4 წლიანი ლიდერობის შემდეგ, Toyota -მ ყველაზე მოთხოვნადი ავტომწარმოებლის სტატუსი დაკარგა.

Bloomberg-ის ცნობით, 2016 წელს იაპონურმა კომპანიამ 10.175  მლნ Toyota, Lexus, Daihatsu და Hino  გაყიდა და ლიდერობაც დაკარგა. მის გაყიდვებში წლიური ზრდა მხოლოდ 0.2%-ია.

პირველ პოზიციაზე დაწინაურდა Volkswagen-ი, რომელმაც 2016 წელს გაყიდვების 3,8%-ით გაზრდა შეძლო და ავტობაზარზე 10,3 მლნ ავტომობილი გაყიდა.

სააგენტო აღნიშნავს, რომ ლიდერობის ცვლილება კონკურენტების სხვადასხვა შედეგით აიხსნება:  Toyota -ს აშშ-ში გაყიდვები შეუმცირდა, მაშინ როდესაც Volkswagen-მა ჩინეთში შეძლო მაჩვენებლის გაუმჯობესება.

მომავალი კი, მეტ პრობლემებს   Toyota-ს უქადის, რომლის დანაკარგი შესაძლოა მნიშვნელოვნად გაიზარდოს, რაც დონალდ ტრამპის განზრახვას უკავშირდება, შეზღუდოს  მექსიკაში აწყობილი ავტომობილების იმპორტი.