თბილისი (GBC) - ცვლადგანაკვეთიანი იპოთეკური სესხების, მათ შორის გალარებული კრედიტების გაძვირებაზე აცხადებს ეროვნული ბანკის პრეზიდენტი კობა გვენეტაძე.

ქვეყნის მთავარმა ბანკირმა „ბიზნესკონტაქტთან“ (TV მაესტრო) ინტერვიუში აღნიშნულის თაობაზე ინფლაციურ მოლოდინებზე და მისი მოთოკვის საჭიროებასთან მიმართებაში განაცხადა, - „გალარება ერთჯერადად მიმდინარეობს, მეორე საკითხია ინფლაციის რეგულირება და ხელი არ უნდა შეგვეშალოს მთავარი მანდატის შესრულებაში“.

აღნიშნული მანდატის ფარგლებში სებ-მა მპკ-ის ბოლო სხდომაზე რეფინანსირების განაკვეთი 25 საბაზისო პუნქტით გაზარდა და მომდევნო 2 კვარტალში 7%-მდე მატება დაანონსა.

ინფლაცია და ასევე მოლოდინის ზრდა ერთჯერადი ფაქტორებით არის განპირობებული, რაც სამომხმარებლოი ფასზე გაზრდილი აქციზის და კურსის ცვლილების წნეხს უკავშირდება. ამან მიზნობრივი ინფლაციის მაჩვენებელზე ( 2017 წ – 4%) გადაცდომის საფრთხე შექმნა.  განაზღვრულ ნიშნულზე ჩამოცდომას გვენეტაძე 2018 წელს ვარაუდობს (მიზნობრივი -3%), თუმცა „სხვა თანაბარ პირობებში, დღეს არსებული ინფორმაციის ანალიზის საფუძველზე“.