თბილისი (GBC) - საქართველოში ერთ-ერთი უმსხვილესი საინვესტიციო პროექტის - „შუახევიჰესის" მშენებლობის შესახებ ისაუბრეს შეხვედრაზე, რომელიც საქართველოს პრემიერ-მინისტრმა გიორგი კვირიკაშვილმა კომპანია „აჭარისწყალი ჯორჯიას" წარმომადგენლებთან გამართა.

მხარეებმა განიხილეს მიმდინარე პროექტები და სამომავლო თანამშრომლობის პერსპექტივები.

 „შუახევიჰესის" მშენებლობა, რომელსაც ინდური კომპანია Tata Power-ის, ნორვეგიული კომპანია Clean Energy-ის და საერთაშორისო საფინანსო კორპორაცია IFC-ის მიერ შექმნილი ერთობლივი საწარმო ახორციელებს, დასასრულს უახლოვდება.

ჰიდროელექტროსადგურის ჯამური დადგმული სიმძლავრე 187 მგვტ-ია, ხოლო ინვესტიციის მოცულობა 416 მლნ. აშშ დოლარი.

მხარეებმა ასევე ისაუბრეს "კორომხეთი ჰესის" პროექტის განხორციელების გზებზე, რომელიც ამავე კასკადის შემადგენელი ნაწილია. კორომხეთი ჰესის დადგმული სიმძლავრით 150 მვტ-ია, წლიური საშუალო ელექტროგამომუშავება იქნება 930 გვტ.