თბილისი (GBC) - სასტუმრო ინდუსტრიის განვითარების კომპონენტს მე-17 ბენეფიციარი ჰყავს. 

შპს „ოაზისი" 10 ნომრიან, კერძოდ 24 ადგილიან სასტუმროს წყალტუბოში,   სოფელ თერნალში აშენებს.  

კომპანია ახალი კომპონენტის „უმასპინძლე საქართველოში“  ფარგლებში ფინანსური მხარდაჭერით სარგებლობს, რაც იმას ნიშნავს, რომ პირველი 2 წლის განმავლობაში აღებული სესხის საპროცენტო განაკვეთის დიდ ნაწილს, 11%-დან 8 პროცენტს მეწარმეობის განვითარების სააგენტო დაფარავს.

სააგენტოს დახმარებით განხორციელებული პროექტის ჯამური ინვესტიცია 285 536 ლარს შეადგენს, ხოლო სასტუმრო, რომლის გახსნა  2017 წლის ივლისის თვეში იგეგმება, პირველ ეტაპზე 10 ადამიანს დაასაქმებს.