თბილისი (GBC) – Brexit-ის საფრთხის მიუხედავად, დიდი ბრიტანეთის ეკონომიკამ, ბოლო კვარტალში, ზრდის მდგრადი დინამიკა შეინარჩუნა.

ქვეყნის სტატისტიკის სამსახურის ცნობით, იანვარ-დეკემბერში ეკონომიკის ზრდამ, წინა კვარტალთან შედარებით, 0,6%-ით შეადგინა, წლიურად ზრდა 2.2%-ია.

ქვეყნის ფინანსთა მინისტრმა ფილიპ ჰემონდმა ზრდის ამ მაჩვენებელს ქვეყნის ეკონომიკის მდგრადობის დემონსტრირება უწოდა.

აღსანიშნავია, რომ დეკემბერში სამომხმარებლო ფასები 1,6% გაიზარდა, საცალო გაყიდვები კი შემცირდა, რადგანაც ბრიტანელებმა ეკონომიის გაკეთება დაიწყეს.

euronews-ის ცნობით, მეოთხე კვარტალში ეკონომიკის ზრდა დიდწილად დამოკიდებულია მომსახურების სფეროში ზრდით, ამ სექტორზე ქვეყნის მშპ-ს 80% მოდის.

იმისთვის, რომ Brexit-ის შემდეგ, მომსახურების სექტორზე ეკონომიკის დამოკიდებულება შეამციროს, ქვეყნის მთავრობამ ორშაბათს, რეფორმების  პროექტი - „ახალი სამრეწველო სტრატეგია“ წარადგინა.