თბილისი (GBC) - აზერბაიჯანული მანათი გაუფასურების ტრენდს ინარჩუნებს.

აუქციონების მეშვეობით ე.წ „თავისუფალ ცურვაში“ გაშვებული მანათი დოლართან ბოლო ვაჭრობაზეც დაეცა.

აზერბაიჯანის ცენტრალური ბანკის ცნობით, 26 იანვარს, 1 აშშ დოლარი 1,9068 მანათი ღირს; 25 იანვარის კურსთან შედარებით გაუფასურებამ 0.0509 პუნქტი შეადგინა.

abc.az-ის ცნობით, 2015 წლის 21 დეკემბრიდან, მას შემდეგ, რაც მანათი მცურავ რეჟიმშია,  81,62 % არის დოლარის მიმართ გაუფასურებული, მათ შორის 2017 წელს 1.07%-ით, 2016 წელს კი, 13,43%.

შეგახსენებთ, 2015 წლის თებერვალში მანათის პირველი გაუფასურება მოხდა, მაშინ 1 დოლარი 0.7844 მანათი ღირდა. 2015 წლის 16 თებერვლიდან მანათი დოლარის მიმართ 2.43-ჯერ დაეცა.