თბილისი (GBC) -  საქართველო  ბერლინში  Gruene Woche 2017-ზეა წარდგენილი და სოფლის მეურნეობის მინისტრი  ევროპელ ლიდერებთან შეხვედრებს მართავს.

ლევან  დავითაშვილმა  ქართულ სტენდთან უმასპინძლა სლოვენიის რესპუბლიკის  სოფლის მეურნეობის, მეტყევეობისა და სურსათის  მინისტრს,  დეჟან ზიდანს და იქაური გამოცდილების გაზიარების მნიშვნელობაზე აღნიშნა. სლოვენიაში მეფუტკრეობაა კარგად განვითარებული.

მწვანე კვირეულის ფარგლებში ლევან დავითაშვილი  გერმანელ,  ესტონელ, ლატვიელ და ლიტველ კოლეგებს  კრისტოფერ შმიდტს, ტარმო ტამისს, იანის დუკლავს  და ბრონუს მარკაუსკასს შეხვდა.

გერმანიის ფედერაციული რესპუბლიკის სოფლის მეურნეობის სამინისტროს დელეგაცია წელს, ზაფხულში  გვესტუმრება  და მხარეები მეცხოველეობისა და დაავადებათა კონტროლის, სასოფლო-სამეურნეო კოოპერაციის, სურსათის უვნებლობის,  აგრარული პროდუქტის  ექსპორტის  საკითხებზე უკვე ადგილზე იმსჯელებენ.