თბილისი (GBC) – GBC – ი  თავის მკითხველის, გალარების პროგრამის ბენეფიციარების კითხვებს პასუხობს. 

კამპანიაში ჩართული მსესხებლების ნაწილი დაბნეულია, რადგან  კონვერტირების შემდეგ გალარებული სესხის  განაკვეთი მოსალოდნელ 10%-ის ფარგლებში არ დაჯდა.

ბანკებში აცხადებენ, რომ  პირობები,  კამპანიაში  ჩართულ  ქონებით უზრუნველყოფილი სესხებისთვის  განსხვავებულია:

- იპოთეკური  სესხისთვის არის  6.5% (რეფინანსირების განაკვეთი) +3,5% = 10% -ის ფარგლებში.

- იპოთეკური საკრედიტო ხაზისთვის 6.5% + 4.5% =11%-ის ფარგლებში. ასეთი სესხის მიზნობრიობა წმინდა იპოთეკისგან განსხვავდება,  სხვა ბანკის ვალდებულების გადაფარვის, ან სხვა კომპონენტიც შეიძლება იყოს გათვალისწინებული.

- იპოთეკით უზრუნველყოფილი  სამომხმარებლო  სავალუტო სესხის, მათ შორის ავტოსესხის, არსებული განაკვეთი გალარების შემდეგ მექანიკურად 3%-ით იზრდება მაგ: 14%+3% =17 %.

ამასთან, ეფექტურ განაკვეთში გათვალისწინებულია დაზღვევის კომპონენტი. ნებმისმიერი საკომისიოსგან (წინმწრებად გადახდის, დამტკიცების, განაღდების)  გათავისუფლებული გასალარებელი სესხების ბენეფიციარები, დაზღვევის პროდუქტებში იმავე ტარიფებით სარგებლობენ, რაც ჰქონდათ 2015 წლის 1 იანვრამდე.  რომელიც ახალ  სესხებზე არსებულ   0.7%-ზე უფრო მაღალია.