თბილისი (GBC) – ზუგდიდის მუნიციპალიტეტის გამგეობა ანაკლიაში მდებარე სასტუმრო "ანაკლიის" 75%-იან წილს ვერ ყიდის.

ბოლო აუქციონზე  4,267 მლნ ლარად გამოტანილი ქონება არ გასხვისდა.

გამგეობაში ამბობენ, რომ დიდი ალბათობით კიდევ ერთი აუქციონი გაიმართება და შესაძლოა ქონების გასაყიდი ფასიც შემცირდეს.

სასტუმრო  7,7 მლნ ლარად არის შეფასებული, მის მფლობელ შპს „ანაკლიაში“ 25% შპს „კასკოს“ ეკუთვნის.

„ანაკლია“ მიმზიდველი აქტივია, სასტუმრო ზღვის სანაპიროსთან მდებარეობს.

აღსანიშნავია, რომ   2017 წელს კურორტი ტრადიციულ GEM Fest -საც უმასპინძლებს, რომელიც მომავალ წელს ანაკლიაში 14 ივლისს დაიწყება და მთელი ერთი თვე – 14 აგვისტომდე გასტანს.