თბილისი (GBC) - „პირადად მე და ადმინისტრაცია, ვიქნებით ჩართული ეროვნული პროდუქციისა და წარმოების წახალისებაში; მომხმარებელი, რომ  ორიენტირებული  იყოს ეროვნული პროდუქციის შეძენასა და წარმოების გაძლიერებაზე, - ქვეყნის პრეზიდენტი „აწარმოე საქართველოში - სწრაფი განვითარებისათვის“ პროგრამის ახალი პლატფორმის პრეზენტაციას დაესწრო.

გიორგი მარგველაშვილის განცხადებით, იმ გამოწვევებზე პასუხი, რომლის  წინაშეც დღეს  ქვეყანა დგას,  ეკონომიკური ვითარების დაძლევაშია, დასაქმების,  მცირე და საშუალო ბიზნესის წილის გაზრდაში, ადგილობრივი ინიციატივების ხელშეწყობაში.

„აწარმოე საქართველოში - სწრაფი განვითარებისათვის“ ბრენდის ქვეშ გაერთიანდება ეკონომიკის სამინისტროს მეწარმეობის განვითარების სააგენტოს, ინოვაციებისა და ტექნოლოგიების სააგენტოს, სოფლის მეურნეობის სამინისტროს პროექტების მართვის სააგენტოსა და საქართველოს საპარტნიორო ფონდის მეწარმეობის ხელშეწყობისთვის არსებული პროექტები, მაათ შორის „აწარმოე საქართველოში“, ერთიანი აგროპროექტი, მიკრო და მინი გრანტები, „სტარტაპ საქართველო“.