თბილისი (GBC) – “საქართველოს ჯანდაცვის ჯგუფი” (GHG) ფარმაცევტულ ბაზარზე კონკურენციის გამძაფრებას პროგნოზირებს, რითაც მოგებული მომხმარებელი დარჩება.

GHG-ის შვილობილი, ფარმაცევტული ქსელის Georgian Pharmacy-ს (GEPHA) გეგმებზე,  ჯგუფის გენერალურმა დირექტორმა „ბიზნესკონტაქტთან“ ისაუბრა.

ამბობს, რომ ახალი მსხვილი მოთამაშის შემოსვლა ბაზარზე 2 დომინანტი (პსპ, ავერსი) კომპანიის პოზიციებს შეარყევს და არსებულ სუსტ კონკურენციას გაამძაფრებს.

„უფრო კონკურენტული ბაზარი, ლოგიკურად, წარმოშობს უკეთეს შეთავაზებებს და უკეთეს ფასებს მომხმრებლისთვის და ამას  უნდა ველოდოთ“, - ამბობს ნიკოლოზი, აღნიშნავს, რომ კომპანია  კომბინირებული, დიდი შესყიდვებით მასშტაბის ეკონომიას მიიღებს, რაც გამოიხატება იმაში,რომ მომწოდებლებისგან  უკეთესი ფასები ექნებათ და ეს მომხმარებლისთვის უკეთეს ფასებში აისახება.

კომპანიაში ამბობენ, რომ GEPHA -ში გაერთიანებული ჯიპისი და ფარმადეპო არსებულ ნიშნებს შეინარჩუნებს და გააძლიერებს. კერძოდ, ჯიპისი იქნება მეტად კონცენტირებული პარაფარმაციასა და კოსმეტიკაზე, მაშინ როდესაც ფარმადეპო უფრო კლასიკური აფთიაქის ჭრილში იმუშავებს.