თბილისი (GBC) - საქართველოს მთავრობა ჩუმათელეთი-ხევის 12-კილომეტრიანი გზის საპროექტო სამუშაოების შესყიდვას იწყებს.

12 კილომეტრიანი  მონაკვეთის პროექტირებაზე 2.33 მლნ დოლარი და 2.44 მლნ ლარი დაიხარჯება.

მთავრობის ცნობით, გაფორმდება ხელშეკრულება, რომლის მიხედვითაც მომზადდება ჩუმათელეთი-ხევის მონაკვეთის მშენებლობისთვის დეტალური საპროექტო დოკუმენტაცია, განსახლების სამოქმედო გეგმა და სამშენებლო სამუშაოების შესყიდვისათვის საჭირო სატენდერო დოკუმენტაცია, რაც, საბოლოო ჯამში, უზრუნველყოფს ჩუმათელეთი-ხევის მონაკვეთის მშენებლობის დროულად დასრულებას.

მომსახურების გაწევის ვადა შეადგენს მომსახურების დაწყებიდან 14 თვეს. 

გაზა  დაიწყება არსებული რიკოთის გვირაბის აღმოსავლეთ ნაწილში, კერძოდ, სოფელ ჩუმათელეთში და დასრულდება სოფელ ხევში, ის ერთ-ერთ ურთულეს მონაკვეთად მიიჩნევა. 

როგორც საქართველოს პრემიერ-მინისტრმა გიორგი კვირიკაშვილმა მთავრობის სხდომაზე განაცხადა, მთავრობის ოთხპუნქტიანი რეფორმების გეგმის შესაბამისად, სივრცითი მოწყობის გეგმის ფარგლებში, ოთხი წლის განმავლობაში, 800 კილომეტრი გზის დაგება იგეგმება.