თბილისი (GBC) - კომპანია “კახური ტრადიციული მეღვინეობის“ შვილობილმა „ნენა“ ჩინეთში საკონსერვო პროდუქციის ექსპორტი დაიწყო.

„ნენას“ პროდუქციის პირველი კონტეინერი ჩინეთში 9 იანვარს გაიგზავნა, 1 კონტეინერის მიწოდება კი, გასულ წელსაც განხორციელდა.

იმპორტიორი ამჯერად, ჩინურ Beijing Charming Grand International Trading-ი, რომელიც KTW-ს ღვინისა და ალკოჰოლური სასმელების ექსპორტსაც ახორციელებს.

კომპანიაში აღნიშნავენ, რომ მსოფლიოს უმსხვილეს ბაზარზე დამკვიდრებისთვის აქტიურ ნაბიჯებს გადადგამენ, პირველადი მიზანი კი, ჩინეთის ბაზარი გახსნილიყო ქართული კომპანიისთვის, მიღწეულია.

შეგახსენებთ, KTW-მ Beijing Charming Grand International Trading-თან  ხელშეკრულება გასული წლის ოქტომბერში გააფორმა, რაც ითვალისწინებს ჩინეთშ,  პირველ ეტაპზე, 1 მლნ ბოთლი ღვინის, ჭაჭის და ბრენდის გატანას.

რაც შეეხება „ნენას“, საკონსერვო ქარხანა 2015 წლის შემოდგომაზე გაიხსნა. წარმოებული პროდუქცია ადგილობრივთან ერთად, საექსპორტო ბაზრებზეც იყიდება.