თბილისი (GBC) -  ფეროშენადნობი პროდუქციის მწარმოებელთა და მანგანუმის მომპოვებელთა ასოციაცია ენერგეტიკის მარეგულირებელი კომისიის თავმჯდომარეს, ირინა მილორავას პეტიციით მიმართავს, მორიგ სატარიფო ცვლილების განხილვაში მსხვილი მწარმოებლები ჩართოს.

სულხან ხვედელიძემ   დარგის გამოწვევებზე TV პირველზე (ბიზნესკონტრაქტი) ისაუბრა,  დენის გაძვირების გამო შეჩერებულ ინვესტიციებზე და  ექსპლუატაციაში  გაუშვებელ ღუმელებზე.

ხვედელიძემ აღნიშნა, რომ კომპანიებმა სიმძლავრეები გაზარდეს,  თუმც არ დატვირთეს, რადგან  ტარიფის გაძვირების მე-2 რაუნდის მოლოდინში არიან.

მან ქვეყნის კონკურენტუნარიანობისთვის მეფოლადეების  გაერთიანებაზე განაცხადა, აღნიშნა, რომ  კოქსის და სხვა ნედლეულის მიღებაში მსხვილები მცირე საწარმოებს ეხმარებიან, რათა ქვეყნის მთავარი საექსპორტო  ჯგუფის  შესაძლებლობები გაიზარდოს.

მიაჩნია, რომ 22 მილიონიანი თვიური შემოსავლის  მქონე  ინდუსტრია წახალისებული უნდა იყოს.  მან  ტარიფის 12% და 10%-ით შემცირების უკრაინის რამდენიმე ოლქის მაგალითი მოიყვანა და შედეგად,  მსოფლიო ბაზარზე  ქვეყნის გაზრდილ  შესაძლებლობებზე გაამახვილა ყურადღება.   გამოთავისუფლებულმა  $35 მილიონმა უკრაინული კომპანიების  კონკურენტუნარიანობა გაზარდა, რაც  პირდაპირ არტყამს ქართულ ფეროშენადნობებს.

ხვედელიძემ საქართველოს ბაზარზე 2 ახალი კომპანიის დამატებაზე  განაცხადა, რაც სექსპორტო შემოსავლებს $10-$10 მილიონით  გაზრდის, თუმცა ამისთვის მოლოდინი რეჟიმი უნდა მოიხსნას.