თბილისი (GBC) - თურქმენეთმა აზერბაიჯანისა და საქართველოს გავლით 300 ათასი ტონა ტვირთის გადაზიდვის გადაწყვეტილება მიიღო.

ინფორმაციას აზერბაიჯანული მედია ქვეყნის სარკინიგზო ოპერატორზე დაყრდნობით ავრცელებს.

უწყების ცნობით, პირველი სატესტო ტვირთი (კარბამიდი) თურქმენეთიდან, აზერბაიჯანის გავლით, შავ ზღვაზე 2016 წლის დეკემბერში გადაიზიდა.

„ტვირთი გემით ჩავიდან ბაქოს ტერმინალში, საიდანაც რკინიგზით გადაიტვირთა საქართველოში. წარმატებულად განხორციელებული პროცესის შედეგად, მიღებული იქნა გადაწყვეტილება, ამ მარშრუტით, 2017 წელს, 300 000 ტონა ტვირთის გადაზიდვაზე“, - აცხადებს „აზერბაიჯანის რკინიგზა“.