თბილისი (GBC) – ბადაგონმა  5 მლნ-იანი კონტრაქტის ფარგლებში ჩინეთში ახალი ღვინოების I  საექსპორტო პარტია  გაუშვა.

კომპანიამ  ღვინის ახალი სავაჭრო ნიშანი - GAU 5  წარმოადგინა,10 წლის იუბილეს ახალი ბრენდით შეხვდა.  GAU 5   ღვინომანების გემოვნების მიხედვით არის სორტირებული - white 1 (თეთრი მშრალი); white 2(თეთრი ნახევრადმშრალი) rose3 (ვარდისფერი ნახევრადმშრალი); red4 (წითელი ნახევრადტკბილი); red 5 (წითელი ნახევრადმშრალი). პროექტი გათვლილია ყველა კატეგორიის მომხმარებლის შემოკრებაზე, განსაკუთრებით ახალგაზრდების.

ბადაგონის   ახალ, სხვა ინოვაციურ პროექტებზე მომხმარებელი 2017 წელს სიურპრიზებად შეიტყობს. კომპანია ქართული აბორიგენი ჯიშების კვლევებით არის დაკავებული, რაც ამა თუ იმ ჯიშის ყურძნის  შესაბამისი ღვინის დაკუპაჟებას გულისხმობს. ზუსტად უნდა  იყოს შერჩეული ღვინო, სადაც ყურძენი თავის საუკეთესო თვისებებს სრულად წარმოაჩენს. კომპანიაში აცხადებენ, რომ  ბადაგონის ცქრიალა ღვინოც ერთგვარი აღმოჩენა იყო მსოფლიო ღვინის ინდუსტრიაში, კახური მწვანე საუკეთესო აღმოჩნდა და  სტერეოტიპი, რომ აღმოსავლური ჯიშები არარეკომენდებულია დაიმსხვრა. საქართველოში 500-მდე უძველესი ჯიშია, რომლის შესწავლა-აღდგენაზეც ფიქრობს  ბადაგონი.

კომპანიის ცნობით,  საგურამოს მეურნეობაში გაშენებული ვენახიდან მოწეული 20-მდე ჯიშის ყურძნის გენეტიკური ანალიზი უკვე ჩატარებულია  და შესწავლა გრძელდება. 

ბადაგონისთვის 2016,  ახალ მნიშვნელოვან ბაზრებზე დამკვიდრების წელი იყო. კომპანიაში დიდ ბრიტანეთსა და  იაპონიას გამოარჩევენ.