თბილისი (GBC) - ნავთობის ფასები ზრდის ტრენდს ინარჩუნებს.

Reuters -ი აღნიშნავს, რომ პარასკევის ვაჭრობაზე ფასი ზრდით დაიწყო და 2009 წლის შემდეგ  პროცენტულად, ყველაზე დიდი წლიური ზრდის დაფიქსირებისთვის ემზადება,  რაც ნავთობმომპოვებლების მიერ მოპოვების შემცირებაზე მიღებული გადაწყვეტილების შედეგია. 

თბილისის დროით, 11:10 საათისთვის Brent -ის მარკის ნავთობის ფასი 57,18 დოლარამდე გაიზარდა, ზრდა 1,85%-ია.

ამერიკული ნედლი ნავთობი WTI  $53,94 ნიშნულზე ივაჭრება.

აღსანიშნავია, რომ წელს Brent-ის ფიუჩერსების ფასი დაახლოებით 53% გაიზარდა, WTI - 46%-ით, ეს 2009 წლიდან ყველაზე მაღალი ზრდაა პროცენტულად. 2009 წელს  Brent -ის მარკის ნავთობმა 78%-იანი ზრდა აჩვენა, WTI – 71%-იანი.