თბილისი (GBC) – მ/ო  „კრისტალის“ 2016 წლის საქმიანობას სამეთვალყურეო საბჭოს თავმჯდომარე არჩილ ბაკურაძე აფასებს.

მიკროსაფინანსო ორგანიზაციამ  67 000 საწარმო დააფინანსა, 64 000 აგრობიზნესი, წელს 0.5 მლნ ლარამდე გაზარდა სოციალური პროექტების დაფინანსება  და  ბიუჯეტშის 12 მლნ ლარი გადარიცხა.

ბაკურაძის განცხადებით, ორგანიზაციამ  შეძლო მაღალი ლარიზაციის შენარჩუნება.  ბაზარზე 270  მლნ ლარის პორტფელით არის წარმოდგენილი და სესხების 70%  ლარშია გაცემული.

მიკროდაფინანსების გარდა  „კრისტალი“ 4 წელია ახორციელებს საგანმანათლებრო პროექტებს.

2013 წლიდან ფუნქციონირებს  „კრისტალის საზაფხულო სკოლა“ , სადაც სტუდენტი პრაქტიკულ ცოდნას  ყოველგვარი  საფასურის გარეშე  ღებულობს.

2016 წელს შექმნა „ახალგაზრდა მეწარმეთა სკოლა“ ორ ეტაპიან სწავლებით, I ეტაპზე მსმენელები სამუშაო უნარებს გამოიმუშავებე, II - საინვესტიციო პროექტებზე მუშაობენ და საუკეთესოს კრისტალის აფინანსებს.