თბილისი (GBC)-  26 დეკემბრიდან კორეაში,  უმსხვილესი სავაჭრო ქსელის, Hyundai Department Store-ის პანგიოს ფილიალში სარეალიზაციოდ პირველად განთავსდა ქართული მინერალური წყლები, „ბორჯომი“ და „ნაბეღლავი“.

ქსელში ქართული პროდუქციის გამოჩენას წინ უძღოდა საელჩოს მიერ ქართული მინერალური წყლების პოპულარიზაციის მიზნით ჩატარებული არაერთი ღონისძიება.

 „ბორჯომისა“ და „ნაბეღლავის“ იმპორტიორი კომპანიები  ANK Service Co-სა და Premier Water International-ი არია.

ANK Service Co-სა და Premier Water International-ის წარმომადგენელთა განცხადებით, ქართული მინერალური წყლები სარეალიზაციოდ უახლოეს პერიოდში განთავსდება Hyundai Department Store-ის სხვა ფილიალებშიც.

ქართული მინერალური წყლების კორეაში  რეალიზაციის მიზნით  სხვა სავაჭრო ქსელებთანაც მიმდინარეობს მოლაპარაკებები.