თბილისი (GBC) – 1 დეკემბრისთვის საბანკო სექტორში 16.2 მლრდ ლარის არასაბანკო დეპოზიტები იყო, 532.5 მლნ ლარით ანუ 3.4 %- ით მეტია პირველი ნოემბრისათვის არსებულ მაჩვენებელზე (გაცვლითი კურსის ცვლილების ეფექტის გარეშე 0.1 პროცენტით ნაკლები).

ნოემბერში, წინა თვესთან შედარებით, ვადიანი დეპოზიტების 403.7 მლნ ლარით ანუ 4.7 %- ით გაიზარდა (გაცვლითი კურსის ცვლილების ეფექტის გარეშე  0.5 პროცენტით), ხოლო მოთხოვნამდე დეპოზიტები გაიზარდა 128.7 მლნ ლარით, ანუ 1.8 %- ით (გაცვლითი კურსის ცვლილების ეფექტის გარეშე შემცირდა 1.0 პროცენტით).   

მიმდინარე წლის პირველი დეკემბრისათვის დეპოზიტების ლარიზაციის კოეფიციენტმა 28.85 % შეადგინა,  1 თვეში, გაცვლითი კურსის ეფექტის გამორიცხვით, დეპოზიტების ლარიზაცია 0.45 პროცენტული პუნქტით გაიზარდა.

ვადიან დეპოზიტებზე საშუალო წლიურმა შეწონილმა საპროცენტო განაკვეთმა 4.4 %  შეადგინა, მათ შორის ეროვნული ვალუტით განთავსებულ დეპოზიტებზე - 7.8%, ხოლო უცხოური ვალუტით განთავსებულ დეპოზიტებზე - 3.4 %.

უცხოური ვალუტით განთავსებულ დეპოზიტებში აშშ დოლარის წილმა 84.9 %, ხოლო ევროს წილმა 12.4%  შეადგინა.