თბილისი (GBC) -  23 დეკემბერს იმერეთის რეგიონში ბუნებრივი გაზის მიწოდება ქალაქ სამტრედიის ნაწილს შეუწყდა.

"სოკარ გაზის" ცნობით, მიზეზი მაგისტრალური გაზსადენიდან, საშუალო წნევის გაზსადენზე, მოწოდების წერტილში გაზის წნევის ვარდნა გახდა, რის გამოც ქალაქ სამტრედიის 5000 აბონენტს ბუნებრივი გაზის მიწოდება შეუწყდა.           

ბუნებრივი გაზის მიწოდების აღდგენა მიმდინარე წლის 23 დეკემბრის დღის ბოლომდე დასრულდება.

კომპანია „სოკარ ჯორჯია გაზი" თხოვნით მიმართავს თავის აბონენტებს, უყურადღებოდ არ დატოვონ გაზის დანადგარები და ჩაკეტილ მდგომარეობაში იქონიონ  ბინებში არსებული გაზის ონკანები, რათა ბუნებრივი გაზის ჩართვის პროცესში მაქსიმალურად იქნას დაცული  უსაფრთხოების წესები.

დამატებითი ინფორმაციის მიღება შესაძლებელია ,,სოკარ ჯორჯია გაზის" ცხელ ხაზზე 16 114 ან ვებ-პორტალზე www.mygas.ge..