თბილისი (GBC) - რუსთავის აზოტის კუთვნილი ქარხნის მოდერნიზაციის პროექტი შეჩერდა, კომპანიაში იმედოვნებენ, რომ დროებით.

GBC- სთან საუბრისას კომპანიის გენერალური დირექტორის მოადგილე ლევან ბურდილაძე პროცესის შეჩერებას ადასტურებს, თუმცა კონკრეტულ მიზეზებზე არ საუბრობს.

„ვფიქრობ, ახლო მომავალში შევძლებთ პროექტის განახლებას“, - აღნიშნა ბურდილაძემ.

პროექტისთვის დაფინანსება ევროპის რეკონსტრუქციისა და განვითარების ბანკს უნდა გამოეყო, საქართველოს ბანკთან ერთად.

155 მილიონიანი სესხის დამტკიცება ზაფხულში დასრულდა. მაშინვე ცნობილი გახდა, რომ დროებით,  "რუსთავის აზოტის" თანამფლობელი გახდებოდა „საპარტნიორო ფონდი“.

აღინიშნა, რომ სახელმწიფო ფონდის კომპანიაში 45%-იანი წლის მფლობელად შესვლა ერთ-ერთი ხელისშემწყობი ფაქტორი გახდა სასუქების უმსხვილესი მწარმოებელისთვის  ევროპის რეკონსტრუქციისა და განვითარების ბანკის (EBRD)  მიერ მსხვილი დაფინანსების გამოყოფისა.

ჯამში 175 მილიონიანი პროექტი ითვალისწინებს ამიაკის წარმოების ხაზის რეაბილიტაციისა და მოდერნიზაციისთვის, გატარდება ენერგოდამზოგი ღონისძიებები და შედეგად, ენერგიის მოხმარება 30%-ით შემცირდება. ასევე ძველი ვალდებულებების რეფინანსირებას.