თბილისი (GBC) –$40 მლნ-იან ინტერვენციაზე ეროვნული ბანკის გადაწყვეტილებას ყოფილი პრეზიდენტი  რომან გოცირიძე ამართლებს, თუმცა დაგვიანებულად მიაჩნია.

ბაზრიდან 111 მლნ ლარზე მეტის ამოღება  აჟიოტაჟის   ჩაცხრობას ემსახურება და ბაზარს  შეეშველება.

რომან გოცირიძე ენერგომატარებლების იმპორტის შედეგად ვალუტის გადინებასაც აღნიშნავს, ასევე  კერძო კომპანიების  სავალუტო ვალდებულებების გასტუმრების ფაქტორს.

ის რეფინანსირების სესხების მოცულობების  მატებაზეც აცხადებს: „წინა კვირას არნახული მოცულობით - 1.4 მლრდ გაიცა“.

პარლამენტარს ასევე მიაჩნია,  რომ  უცხოურ ვალუტაში მოზიდულ  სახსრებზე  გამკაცრებული სარეზერვო ნორმა უნდა შემცირდეს.

"დედოლარიზაციის  აქტუალობა წლების შემდეგ ამოცანაა, ახლა პრიორიტეტია ლარის სტაბილურობა და გაღარიბებული მოქალაქეების დაცვა".