თბილისი (GBC) - პარასკევს, გერმანული საერთაშორისო სერვის პროვაიდერი კომპანია Arvato -ს ოფისი იხსნება, რომელიც კლიენტებს, მსოფლიოს 40-მდე ქვეყანაში, ინტეგრირებული მომსახურების სფეროსთან დაკავშირებული ბიზნეს პროცესების მიმართულებით ემსახურება.

ეს სფეროებია: ციფრული მარკეტინგი, CRM, SCM და IT. „არვატო“ Bertelsmann SE & Co. KGaA-ს შვილობილი კომპანიაა.

კომპანია ქართულ ბაზარზე “არვატო ცეერემ საქართველოს” სახელით 2016 წლის აგვისტოდან მოღვაწეობს.

ადგილობრივი ოფისის გახსნისთვის 1,5 მლნ ევროს ინვესტიცია ჩაიდო,  ოფიციალურ გახსნასთან ერთად, კომპანია ბიზნესის განვითარებასა და სამუშაო ადგილების შექმნას გეგმავს.   თბილისის ოფისში, დასაქმებულთა რიცხვი 130-ზე მეტია, მათი რაოდენობა ეტაპობრივად ჯერ 150 -მდე, ორ წელიწადში კი, 500-მდე გაიზრდება.