თბილისი (GBC) - “აჭარა ჯგუფმა“  ახალი ქართული ავიაკომპანია - “ავიატორი” წარადგინა.

ავიაკომპანია ნებისმიერ მსურველს, საჰაერო ტაქსის მომსახურებას სთავაზობს, რაც ითვალისწინებს ადგილობრივი და საერთაშორისო ჩარტერული რეისების შესრულებას.

„ ჩვენს მომხმარებლებს შესაძლებლობა ექნებათ მაქსიმალურად მოკლე დროში, კომფორტულად ჩაფრინდნენ დანიშნულების ადგილას ტურისტული თუ საქმიანი ვიზიტით“, - აცხადებენ კომპანიაში.

ავიაკომპანია ფრენებს  Beechcraft  KingAir C90GTX ტიპის საჰაერო ხომალდით, რომელიც აღჭურვილია 5 ადამიანზე გათვლილი ბიზნეს კლასის ინტერიერით და უახლესი სისტემებით.

კომპანიის პილოტებმა და ტექნიკურმა პერსონალმა გადამზადება აშშ-ს  ერთ-ერთ საუკეთესო ტრეინინგ ცენტრში გაიარა. საწყისი ეტაპისთვის ავიაკომპანიაში დასაქმებულია 20-ზე მეტი საავიაციო სფეროს  ქართველი პროფესიონალი.

შეგახსენებთ, “აჭარა ჯგუფი” საქართველოს სასტუმრო ინდუსტრიის უმსხვილესი და ყველაზე სწრაფად მზარდი ჰოლდინგი-კომპანიაა, რომლის მფლობელობაში და მართვაშია სასტუმროები - Rooms Hotel Tbilisi , Rooms Hotel Kazbegi Holiday Inn Tbilisi და ჰოსტელი Fabrika.