თბილისი (GBC) - Samsung Electronics -ის ხელმძღვანელობა კომპანიის 2 ნაწილად გაყოფას განიხილავს. 

ინფორმაციას Reuters-ი სამხრეთ კორეულ გამოცემა Seoul Economic Daily -ზე დაყრდნობით ავრცელებს.

გამოცემა აღნიშნავს, რომ ამ წინადადებით კომპანიას ინვესტორმა, ამერიკულმა ჰეჯ-ფონდმა Elliott Management-მა მიმართა. 

შეთავაზება გულისხმობს   Samsung Electronics -ის გაყოფას, ერთი კომპანია შეასრულებს საოპერაციო საქმიანობას, მეორე იქნება ჰოლდინგური კომპანია.

Elliot Management-ი, რომელსაც მილიარდერი პოლ ელიოტ სინგერი ხელმძღვანელობს, ასევე სთავაზობს კომპანიას დირექტორთა საბჭოში შეიყვანოს სამი დამოუკიდებელი დირექტორი, გადაუხადოს აქციონერებს $26 მილიარდი და ასევე კომპანიის აქციები ამერიკულ საფონდო ბაზარზე განათავსოს. 

არც  Samsung-ს და არც ლის ოჯახს ამ თემაზე კომენტარი არ გაუკეთებიათ.

დეტალები  ხვალ გახდება ცნობილი, წყაროს ცნობით, 29 ნოემბერს შეხვედრააა დაგეგმილი, ამასთან, კორეის ბირჟამ  თავის მხრივ უკვე მოსთხოვა  Samsung -ს სამშაბათს, 18:00 საათამდე   ოფიციალურად განაცხადოს იყო თუ არა მიღებული გაყოფის გადაწყვეტილება.