თბილისი (GBC)- აზერბაიჯანსა და თურქეთში ეროვნული ვალუტები გაუფასურდა.

Fineko-ს ცნობით, 25 ნოემბრისთვის 1 აშშ დოლარი 1,7196 მანათი ღირს.

გასული წლის 21 დეკემბრიდან აზერბაიჯანული მანათი მცურავ გაცვლით კურსზეა გადასული.

"ცურვის" განმავლობაში მანათი 63,79% გაუფასურდა, მათ შორის მხოლოდ, 2016 წელს დევალვაცია 10,16% შეადგენს. აღსანიშნავია ისიც, რომ 2015 წლის თებერვლის დასაწყისში 1 აშშ დოლარი 0,78 მანათი ღირდა. საბაზო ნიშნულს თუ შევადარებთ მანათი 2,19-ჯერ არის გაუფასურებული.

ახალ რეკორდულ ნიშნულამდე დაეცა თურქული ლირაც. ამჯერად მაპროვოცირებელი ევროპარლამენტი იყო, რომელმაც მიიღო გადაწყვეტილება "გაყინოს" თურქეთის ევროკავშირში წევრობის მოლაპარაკებები.

გადაწყვეტილებით ლირა დოლარის მიმართ 3,37 ნიშნულიდან  3,44 ნიშნულზე დაეცა და მხოლოდ თურქეთის ფინანსური მმართველობის დიდი ძალისხმევით ლირა 3,4174 ნიშნულს დაუბრუნდა.