თბილისი (GBC) - "საქართველოს ჯანდაცვის ჯგუფი" (GHG) ABC Pharmacia-ს შერწყმის  და ბაზარზე ახალი, მსხვილი სააფთიაქო ქსელის Georgian Pharmacy-ს (GEPHA) შექმნის გეგმაზე აცხადებს. 

კომპანიამ ინვესტორებს უკვე აცნობა, რომ "ფარმადეპოს" მფლობელ ABC Pharmacia-ს შერწყმაზე წინასწარი გარიგება გაფორმდა, რომელიც მარეგულირებლის თანხმობას საჭიროებს. 

მიღწეული შეთანხმებთ, ახალ კომპანიაში, სადაც ასევე გაერთიანებულია GPC-ის ქსელიც, GHG-ის წილი 67% იქნება, 33% კი,  გადაეცემა ABC Pharmacia-ს მფლობელებს ენრიკო ბერიძეს და მიხეილ აბრამიძეს. 

საქართველოს ჯანდაცვის ჯგუფი "ფარმადეპოს" მფლობელს აქციებში 25 მილიონ დოლარს გადაუხდის და ასევე ახალი კომპანიის აქციების 33%-ს  გადასცემს.

გარიგების დასრულება  2017 წლის იანვარშია ნავარაუდევი. პირველ ტრანშს 12 მლნ აშშ დოლარს, GHG მისი დასრულებისთანავე გადაიხდის, დანარჩენ თანხას 5 ტრანშად,  მომდევნო 5 წლის ვადაში.  

აღსანიშნავია, რომ ახალი კომპანია  GEPHA -ს მფლობელობაში საქართველოს მასშტაბით 230 აფთიაქი იქნება.