თბილისი (GBC) - ვენესუელა კრიზისში სულ უფრო ღრმად ეფლობა.

ქვეყნის საბანკო სექტორის მმართველმა საბჭომ (Sudeban) ბანკომატებიდან ნაღდი ფულის გამოტანის  ლიმიტი დააწესა, რაც დღეში მხოლოდ 10 000 ვენესუელური ბოლივარია, ოდნავ მეტი 5 აშშ დოლარზე.

გადაწყევეტილება ოფიციალურად ძალაში 2016 წლის 1 დეკემბრიდან შევა, მაგრამ უკვე 15 ნოემბრიდან ამ ლიმიტზე მეტი თანხის გამოტანა უკვე შეუძლებელია როგორც ბანკომატებიდან, ასევე ბანკების განყოფილებებიდან.

El Nacional -ის ცნობით, გადაწყვეტილება ქვეყანაში ნაღდი ფულის უმარისობას უკავშირდება. 1 თვეში ნაღდი ფული საფინანსო ინსტიტუტებში, ასევე კერძო და სახელმწიფო სტრუქტურებში 50%-ით შემცირდა.

არგენტინული გამოცემა La Nacion აღნიშნავს, რო 1 ფინჯანი ყავის შესაძენად 900 ბოლივარია საჭირო, 1 ლიტრი რძე 1200 ბოლივარი ღირს, ყველი 5000 ბოლივარი, 1 კგ.შაქარი კი, 3500 ბოლივარი.

აღსანიშნავია, ისიც, რომ ვენესუელაში ჰიპერინფლაციაა. სავალუტო ფონდის პროგნოზით, 2016 წელს ინფლაციის დონე 700 %-ს გადააჭარბებს.