თბილისი (GBC) – ქართული ღვინო  რიგასა და ტალინში, ამჯერად  Wines of Georgia -ს ფარგლებში წარსდგა.

დეგუსტაციას ღვინის სააგენტოს წარმომადგენელი ირაკლი ჩოლობარგია გაუძვა.

პრეზენტაციებს ადგილობრივი და უცხოელი იმპორტიორები, სომელიეები, რესტორნების მეპატრონეები, ღვინის კლუბის წევრები, ღვინის ჟურნალისტები და ბლოგერები დაესწრნენ. ტალინში ერთ-ერთი პრეზენტაცია ესტონეთის სომელიეთა სკოლაში გაიმართა.

ბოლო 2 წლის  სტატისტიკაზე გამახვილდა ყურადღება,  ლატვიაში  ქართულ ღვინოზე საგრძნობლად გაზრდილ მოთხოვნაზე.  ქვეყანა პირველ ადგილზეა ბალტიისპირეთში  ქართული ღვინისა და სპირტიანი სასმელების (ჭაჭა, ბრენდი) იმპორტის მოცულობით.

დეგუსტაციებში  8  კომპანიის ( „ბესინი“, „კორპორაცია ქართული ღვინო“, „შილდა“, „თელა“, „ვაინმენი“, „მათრობელა ვაინსი“, „კახური“ და BGW)  ღვინო მონაწილეობდა.

ლატვია და ესტონეთი საექსპორტო ბაზრების ათეულში შედის. იანვარ-ოქტომბერში 1.5 მლნ ბოთლია გატანილი.