თბილისი (GBC) – „მედია ჰოლდინგი კომერსანტის“ და „სადაზღვევო კომპანია არდის“ დამფუძნებელი არმაზ თავაძე გუდვილის სამეთვალყურეო საბჭოს წევრი გახდა.

„გუდვილის“ 65%-იანი წილის მფლობელის გოგი შევარდნაძის გადაწყვეტილებით თავაძე ამ პოსტზე დავით გლუნჩაძეს ჩაანაცვლებს. საბჭოს წევრია ასევე თავად გოგი შევარდნაძე და გიორგი მახათაძე.

შეგახსენებთ, სს „გუდვილის“ რეაბილიტაციის პროცესი მიმდინარეობს. კომპანიას დიდი მოცულობით დავალიანება ( 500- მდე კომპანიის წინაშე 26 მლნ ლარის დავალიანება) დაუგროვდა, ნაწილი გასტუმრებულია, მათ შორის გასტუმრებულია პირველი რიგის კრედიტორის თიბისის წინაშე არსებული დავალიანების ნაწილიc.

სს „გუდვილი“  რამდენიმე ჰიპერმარკეტს და სუპერმარკეტს ფლობს.