თბილისი (GBC) –  დავით ბეჟუაშვილის  განათლების  ფონდის პროექტის ფარგლებში კიდევ ერთმა  უნიკალურმა  კოსტიუმმა დაიბრუნა პირვანდელი სახე. 

ქართული ეროვნული საგანძურის გამორჩეული ნიმუში,  ქეთოს კაბა, ( ფილმიდან "ქეთო და კოტე" რეჟ: ვახტანგ ტაბლიაშვილი) 6 თვიანი რესტავრაციის შემდეგ, ხელოვნების სასახლის მუდმივმოქმედ ექსპოზიციას ოქროსფერ დარბაზში დაუბრუნდა. 

ფარნა ლაპიაშვილის ესკიზის მიხედვით შექმნილი  კაბა  ხანგრძლივი პერიოდის განმავლობაში  კინოსტუდიაში ინახებოდა და 5 წლის წინ ხელოვნების სასახლეს გადაეცა.

ქეთოს კაბა და ახლადაღდგენილი სხვა ექსპონატები სულ მალე, პირველ მუდმივმოქმედ ექსპოზიციაში მიიღებს მონაწილეობას, მათ შორის გამორჩეულია თამარის კაბა, რომელიც ფრესკის მიხედვით არის შექმნილი. კაბა მარგალიტის 5 000 თვალით არის მოჭედილი, შვენის ოქროს და ვერცხლი 3 000 ბალთა.

ეს ფონდის მე-2  პროექტია, მისი ფუნქციონირების მოკლე  ვადაში - 1 წელიც არ არის რაც დაფუძნდა.

მანამდე დაიწყო წიგნის მუზეუმის 0.5 მლრდ-იანი მასშტაბური პროექტი.  სხვადასხვა არქივებში დაცული წიგნები ეროვნულ ბიბლიოთეკაში მოწყობილ, რუსთაველის, ილიას და სხვა საზოგადო მოღვაწეების სახელობის დარბაზებში საჯაროდ გამოიფინება.  წარმოდგენილი იქნება უნიკალური ეგზემპლიარები - პირველი ქართული ნაბეჭდი, ყველაზე პატარა ზომის წიგნი, უძველესი გამოცემები და ხელნაწერები. 

ფონდი  ახალი პროექტზეც მუშაობს მილევადი პროფესიის მხარდაჭერისთვის, მათ შორის სამთო-გეოლოგია და საინჟინრო საქმე, რაც ახალგაზრდების დაინტერესებას, მათ სწავლებას და   საქართველოს ინდუსტრიული ჯგუფის საინვესტიციო პროექტებში დასაქმებას ითვალისწინებს.