თბილისი (GBC) - 1-4 ნოემბერს, ფონდი ,,ბილივი’’ გამართავს ტრენინგს თემაზე: ,,საქველმოქმედო ორგანიზაციებისა და სოციალური საწარმოების მართვა’’.

ორგანიზატორთა ცნობით, ტრენინგზე მოწვეულია საქველმოქმედო ორგანიზაციებისა და სოციალური საწარმოების დამფუძნებლები, დირექტორები, აღმასრულებელი მენეჯერები, კერძო და საჯარო სექტორებში მოქმედი კორპორაციული სოციალური პასუხისმგებლობის მენეჯერები და სხვა ხელმძღვანელი პირები, რომლებიც დაინტერესებულნი არიან მესამე სექტორის ორგანიზაციებთან თანამშრომლობით.  

ტრენინგი ჩატარდება თბილისსა და ბათუმში  და მას გაუძღვება კემბრიჯის ,,ანგლია რასკინ’’ (Anglia Ruskin University) უნივერსიტეტის ლექტორი, არასამთავრობო სექტორის მართვის ექსპერტი,  საქველმოქმედო და სოციალური საწარმოების მენეჯმენტის ბაკალავრიატის კურსის ხელმძღვანელი ენდრიუ ბრეიდი, რომელიც მუშაობდა  მესამე სექტორის ორგანიზაციებში.

საქართველოში ტრენინგის ჩატარების ძირითადი მიზანია ხელი შეუწყოს ქართული საქველმოქმედო ორგანიზაციებისა და სოციალურ საწარმოების განვითარებას, მესამე სექტორის ორგანიზაციებში დასაქმებული პირების ლიდერული უნარ-ჩვევების გაუმჯობესებას, მდგრადი განვითარებისთვის აუცილებელი პირობების გაცნობას და ახლებური აზროვნების ჩამოყალიბებას. ამასთანავე, აღნიშნული ღონისძიება დამსწრეებს ახალი კავშირების დამყარების შესაძლებლობას მისცემს. 

ტრენინგის დეტალები :  01 ნოემბერი, 9:30-18:00 თბილისი „რედისონ ბლუ ივერია’’ 04 ნოემბერი, 9:30 – 18:00     სასტუმრო „ჰილტონ ბათუმი’’