თბილისი (GBC) - 1-ელი ნოემბრიდან მიმოქცევაში ახალი 100 ლარის ნომინალის ბანკნოტები გამოჩნდება.

ეროვნული ბანკის ცნობით, 2016 წლის გამოშვების ახალი მოდიფიკაციის 100 ლარის ნომინალის ბანკნოტები მიმოქცევაში იქნება წინა წლების გამოშვების იმავე ნომინალის ბანკნოტების პარალელურად. 

100 ლარის ნომინალის განახლებულ ბანკნოტზე შენარჩუნებულია კარგად ნაცნობი, ლარის ბანკნოტების თავდაპირველი თემატიკა, ამავდროულად ბანკნოტზე წარმოდგენილი ისტორიები გამრავალფეროვნებულია ცალკეული ახალი ელემენტებით.

განახლებული ბანკნოტები დაცულია მომხმარებლისათვის მარტივად აღქმადი და ამავე დროს, თანამედროვე და მაღალტექნოლოგიური პროცესის შედეგად მიღებული დამცავი ნიშნებით. მათ შორის დატანილია ნომინალის ამომცნობი ნიშანი სუსტი მხედველობის მქონე პირთათვის.

2 ნომინალის განახლებული ბანკნოტები, 20 და 50 ლარიანი, უკვე მიმოქცევაშია 1  თებერვლიდან. რაც შეეხება 5 და 10 ლარის ნომინალის ბანკნოტებს, ის  განახლდება მოგვიანებით.