თბილისი (GBC) - რუსეთმა ზღვის თევზის იმპორტის გადასახადი გაანულა.

ქვეყნის ეკონომიკის სამინისტროს ცნობით, გადაწყვეტილება ძალაშია 2 წლის განმავლობაში, მთავარი მიზანი კი, თევზის გადამამუშავებელი საწარმოების დატვირთვა და თევზის პროდუქტებზე შიდა მოთხოვნილების  დაკმაყოფილებაა.

აღსანიშნავია, რომ ოფიციალური  სტატისტიკით, 8 თვის მონაცემებით რუსეთში იმპორტირებულია 307,5 ათასი ტონა თევზის პროდუქცია, 13%-ით ნაკლები წინა წლის ამავე პერიოდთან შედარებით.

კერძოდ, გაყინული მოივას იმპორტი 69,5%-ით 8,6 ათას ტონამდე შემცირდა, გაყინული ქაშაყის 53%-ით, 11,7 ათას ტონამდე, ასევე გაყინული ორაგულის 20,1%-ით 28,6 ათასამდე. ამავე დროს გაიზარდა სკუმბრიას იმპორტი - 32,2%-ი 39,4 ათასამდე, გაყინული კალმახის კი, 55%-ით 7,9 ათასამდე.