თბილისი (GBC) - თურქეთმა ტურისტების მკვეთრი შემცირების გამო 15 მლრდ აშშ დოლარი დაკარგა, - ინფორმაციას "ინტერფაქსი" Turizmdatabank -ის კვლევაზე დაყრდნობით ავრცელებს.

კვლევაში აღნიშნულია, რომ ბოლო 2 კრიზისული წლის განმავლობაში თურქეთში უცხოელი ტურისტების რაოდენობა 9-დან 9,5 მილიონამდე შემცირდა. შემოსავალის შემცირებამ კი, 10 მლრდ აშშ დოლარამდე შეადგინა.

გარდა ამისა, შემცირდა ტურისტების საშუალო დანახარჯიც. მათი ხარჯები 15-25% დაეცა და შეადგენს 700- 800 აშშ დოლარს. ამ ფაქტორის გათვალისწინებით, სექტორის დანაკარგი კიდევ  5 მილიარდია. 

კვლევის მიხედვით, ტურისტების ნაკადი რუსების ხარჯზე 30%-ით შემცირდა.

აღსანიშნავია, რომ ქვეყნებს შორის ურთიერთობის დაძაბვის გამო, რუსეთიდან თურქეთში წამსვლელთა რაოდენობა 83%-ით,  3,3 მილიონიდან  544 ათასამდე დაეცა.