თბილისი (GBC) –  მარნეულის ახლადგახსნილი ფერმა „ახალი სტილი“ კავკასიური წაბლას, შვეიცარიული მაღალპროდუქტიული მეწველი ძროხებით, ჩანაცვლებას აპირებს.

კომპანიის  დამფუძნებელმა  ლეფტერ კუციამ განაცხადა, რომ  შეღავათიანი აგროკრედიტით დაფინანსებულ საწარმოში 60 სული საქონელია და  ფერმაც მხოლოდ ამ რაოდენობაზეა გათვლილი.

საქონლის ჩანაცვლებას  ხელოვნური დათესვლით 1 წელი სჭირდება  და  წლიური წარმადობაც (1 ძროხის) 2ტ-დან 4ტ-მდე გაიზრდება.

მეწარმე ერთადერთ პრობლემად  საკვები  ბაზის  სიმცირეს ასახელებს.

სოფლის მეურნეობის სამინისტროს  მომსახურების სააგენტოს ინფორმაციით, ამ დროისთვის რეგიონში 1 000-მდე მეწარმეა. მთავარი  გასაჭირი მწირი საკვები ბაზაა,  საძოვრების ფართი მცირეა.  

„ახალი სტილი“, „ყველის ქოხთან“  და KTW-სთან ერთად იმ საწარმოების არასრული ნუსხაა, რომელიც სამოქალაქო განვითარების სააგენტოს (სიდა) ორგანიზებით გამართული ტურის ფარგმებში ჟურნალისტებმა  და  12 ქვეყნის (მაკედონია, ბელარუსი, ესტონეთი,სომხეთი...) წარმომადგენლებამ დაათვალიერეს.

ტურმა ამ დროისთვის სომხეთში გადაინაცვლა.