თბილისი (GBC) - საქართველოს დერეფანის გავლით ტვირთების გადაზიდვა  შესაძლოა კიდევ ერთმა მსხვილმა გერმანულმა  კომპანიამ დაიწყოს.

გერმანული სატრანსპორტო-ლოგისტიკური კომპანია DHL, აზიასა და ევროპას შორის ტვირთების გადაზიდვისთვის ბაქო-თბილისი-ყარსის სარკინიგზო მაგისტრალით დაინტერესდა. 

Trend -ის ცნობით, საკითხზე აზერბაიჯანის რკინიგზის ხელმძღვანელისა და DHL -ის შანხაის ფილიალის მმართველის შეხვედრაზე იმსჯელეს.

ჩინეთში გამართულ შეხვედრაზე ტრანსკასპიურ მარშრუტის განვითარება და პერსპექტივა განიხილეს, აღინიშნა, რომ ის ძირითადი ნაწილია სატრასპორტო დერეფანის „სამხრეთ-დასავლეთი“.

შეხვედრაზე  აღინიშნა, რომ ბაქო-თბილისი-ყარსის რკინიგზის ექსპლუატაციაში შესვლის შემდეგ  ტვირთების გადაზიდვის მოცულობა გაიზრდება, ხოლო ევროპასა და აზიას შორის ტვირთების მიწოდების დრო შემცირდება. 

შეგახსენებთ, გერმანული საერთაშორისო კომპანია DHL  ლოგისტიკურ ბაზარზე ლიდერია. ის 220 ქვეყანაში იპერირებს და  ყოველ ერთ საათში მილიონ მომხმარებელს უწევს მომსახურებას.