თბილისი (GBC) - "m2- უძრავი ქონება" ბაზარზე 25 მლნ აშშ დოლარის ობლიგაციები განათავსა, რაც საქართველოში  ყველაზე მსხვილი კორპორაციული ემისიაა. 

3 წლიანი ობლიგაციები უპრეცედენტოდ დაბალი სარგებლით, 7,5%-ით განთავსდა, რასაც კომპანია მაღალ მოთხოვნას უკავშირებს.

მათი განცხადებით, მოთხოვნამ იმდენად გადააჭარბა მიწოდებას, რომ 9%-დან 7,5% ჩამოვიდა საპროცენტო განაკვეთი. 

ობლიგაციების განთავსება ტრადიციურად "გალტ ენდ თაგარტმა" უზრუნველყო. 

აღსანიშნავია, რომ დეველოპერული კომპანიამ  უკვე მეოთხედ მოახდინა ობლიგაციებით ფინანსების მობილიზება.

 „m² უძრავი ქონებამ", $20 მილიონის 2-წლიანი ობლიგაციების წარმატებით განთავსებაზე 2015 წლის 20 მარტს განაცხადა. კომპანიამ ობლიგაციების გამოშვება 2014  წელს დაიწყო, აპრილში $5 მლნ-ის და ივნისში $10 მილიონის ობლიგაციები განათავსა.