თბილისი (GBC) – 15 სექტემბერს, თბილისში ფრანგული ბრენდის, BRICORAMA-ს სარემონტო მასალების ჰიპერმარკეტი იხსნება.

პირველი „სითი ფორმატის“ ჰიპერმარკეტი მარშალ-გელოვანის გამზირზე 77 ნომერში გაიხსნება და 6 000 კვ.მ.-ზე 30 000-ზე მეტი დასახელების პროდუქტი იქნება წარმოდგენილი.

ჰიპერმარკეტის ძირითადი მიმართულებებია სამშენებლო და სარემონტო მასალები, ელექტროობა, სანტექნიკა და აქსესუარები, მოსაპირკეთებელი მასალა, იატაკი და ფილები, შპალერი, ელექტრო და ხელის ინსტრუმენტები, ლაქ-საღებავები, განათება, ეზოს ავეჯი, ეზოსა და ბაღის მოვლისა და მოწყობის საშუალებები, დეკორაცია და ა.შ.

ჰიპერმარკეტი თბილისში ფრანგულის ზუსტი ანალოგია, ამისათვის კი, კომპანიამ 20 მილიონი ლარის ინვესტიცია განახორციელა.

BRICORAMA-ს მფლობელი ბრენდი BRICORAMA Caucasus-ი „სითი ფორმატის“ ჰიპერმარკეტის გახსნის შემდეგ გაფართოებას გეგმავს და ჰიპერმარკეტის გახსნას ბათუმსა და თბილისის შემოგარენში აპირებს.

BRICORAMA-მ პირველი მაღაზია 1975 წელს საფრანგეთში გაიხსნა და დღეს ის ევროპის მასშტაბით უკვე 200-ზე მეტი ჰიპერმარკეტის მფლობელია.