თბილისი (GBC) - ლიკვიდაციის რეჟიმში გადასურლი "კავკასიის განვითარების ბანკი- საქართველოს " ლიკვიდატორი   როინ ცაციაშვილი კრედიტორებს მიმართავს.

მისი განცხადებით,  იმისათვის, რომ უზრუნველყოფილ იქნას ბანკის ვალდებულებების დროული და შეუფერხებელი გასტუმრება, კრედიტორებმა შემდეგი დოკუმენტაცია უნდა წარადგინონ:

ფიზიკური პირების შემთხვევაში:

✔ პირადობის დამადასტურებელი დოკუმენტი;

✔ ბანკის მიმართ მოთხოვნის არსებობის დამადასტურებელი თქვენს ხელთ არსებული დოკუმენტაცია;

იურიდიული პირების შემთხვევაში:

✔ ამონაწერი სამეწარმეო რეესტრიდან იურიდიული პირის რეგისტრაციის შესახებ;

✔ უფლებამოსილი პირის დამადასტურებელი დოკუმენტი;

✔ ბანკის მიმართ მოთხოვნის არსებობის დამადასტურებელი თქვენს ხელთ არსებული დოკუმენტაცია

უნაღდო ანგარიშსწორებით თანხების მიღების სურვილის შემთხვევაში, დამატებით უნდა წარადგინონ იმ ბანკის საბანკო ანგარიში და რეკვიზიტები, სადაც სურთ  თანხის ჩარიცხვა.

შეგახსენებთ, "კავკასიის განვითარების ბანკი-საქართველო" ლიკვიდაციის რეჟიმში გადავიდა.  საქართველოს ეროვნული ბანკის ვიცე-პრეზიდენტის განკარგულებით, ბანკს  საბანკო საქმიანობის ლიცენზია გაუუქმდა.