თბილისი (GBC) - "სტარტაპ საქართველოს" პროგრამის მაღალტექნოლოგიური კონკურსის 20 გამარჯვებული იდეა უკვე ცნობილია.

თითოელი იდეის განსახორციელებლად სახელწიფო 100 000 ლარს გამოყოფს. 

გამარჯვებული პროექტების შესახებ ინფორმაციას პროექტის ერთ-ერთი განმახორციელებელი "საპარტნიორო ფონდი" ავრცელებს.

გამარჯვებული იდეებია: 

•  Bubblestack - სრულად ავტომატიზირებული, ვებ-ინტეგრირებული ჰიდროპონიკული სისტემა; 
• Cnick - ხის ჭკვიანი ბეჭედი, რომელის საშუალებით მომხმარებელი განახორციელებს გადახდებს ტერმინალებსა და ტრანსპორტში;
•  David OS - ბლოკჩეინის ტექნოლოგიაზე დაფუძნებული ელექტრონული სამედიცინო ჩანაწერების უნივერსალური სისტემა;
• Edvex - ედვექსი მძღოლებს საშუალებას აძლევს საკუთარ მანქანებზე დროებითი რეკლამის განთავსებით გამოიმუშაონ დამატებითი შემოსავალი;
•  Hand4help - მოწყობილობა შშმ ადამიანებს საშუალებას აძლევს კიდურების ნერვული დაბოლოებების მეშვეობით მართონ ხელის პროთეზი;
• Health Hub - აპლიკაცია, რომელიც ქმნის პირდაპირ გაყიდვების არხს ურეცეპტო და რეცეპტიანი წამლებისათვის;
• Innophage - ბაქტერიოფაგული ტექნოლოგიის გამოყენებით ჯანსაღი დიეტური საკვები დანამატების წარმოება;
•  Laser Combat - საბრძოლო თამაში, რომელიც მოთამაშეებს
  საშუალებას მისცემს უფრო რეალურად იგრძნონ ბრძოლის ველი;
• Lingwing - უცხო ენების შემსწავლელ ვებ პლატფორმას;
•  LuckStock - პრემიუმ ხარისხის მუსიკის და აუდიო ფაილების სავაჭრო პლატფორმა;
• OptioAI - განსხვავებული ციფრული მობილური საფულე პირადი ფინანსების დაგეგმვისა და მართვისათვის;
• PawwwN - პლატფორმა, რომელიც ამარტივებს ურთიერთობას გირაოს ბროკერებსა და მომხმარებლებს შორის;
• Production of Verm Protein - ჭიაყელებისაგან სტრესული ცილების წარმოების ინოვაციური ტექნოლოგია;
• Qolga - სამედიცინო პრეპარატების ყიდვა-გაყიდვის ონლაინ პლატფორმას;
• QuickQash - ფინანსური შეფასების ინოვაციური პლატფორმა მცირე და საშუალო ბიზნესისათვის;
• Styx - პლატფორმა, რომელიც აკავშირებს მანქანის მფლობელებს და სატრანსპორტო სერვისის მომხმარებლებს;
•  Surgical OR Simulator - ვირტუალური სიმულატორი, რომელიც სამედიცინო სტუდენტებს ეხმარება პრაქტიკულად შეასრულონ ურთულესი ქირურგიული ოპერაციები;
• Triplay - ონლაინ პლატფორმა მოგზაურთათვის;
• VRex - ვიარექსი საშუალებას აძლევს ტურისტებს სასურველი ტურის დაგეგმვამდე ვირტუალური რეალობის მოწყობილობების საშუალებით მოინახულოს ღირსშესანიშნაობა;
• WiseKettle - ელექტრო ჩაიდანი, გაგრილების ფუნქციით.