თბილისი (GBC) - ავტობანზე, ზესტაფონი – ქუთაისი–სამტრედიის მონაკვეთზე გარე განათების მონტაჟი იგეგმება.

საავტომობილო გზების დეპარტამენტმა უკვე გამოაცხადა 3 ტენდერი, რომლითაც გზის განათების სამუშაოების შესყიდვა მოხდება.

სამივე მონაკვეთის ელექტროფიცირებისთვის 9 მლნ ლარზე მეტია გამოყიფილი, სამუშაოები იაპონიიის საერთაშორისო თანამშრომლობის სააგენტოს (JICA) მიერ დაფინანსდება.

გარე განათების მონტაჟი დაგეგმილია ქუთაისის ახალი შემოვლითი გზის km 0+000 - km 17+300 მონაკვეთზე, რისთვისაც 3 946 890 ლარია გამოყოფილი.

3 249112 ლარია გათვალისწინებული  სამტრედიის ახალი შემოვლითი გზის km 0+000 – km 15+400 მონაკვეთის გარე განათების სამუშაოების განხორციელებისთვის და 1 855 693 ლარი ასევე სამტრედიის ახალი შემოვლითი გზის, ამჯერად, km 15+400 – km 24+045 მონაკვეთისთვის.

სატენდერო წინადადებების წარდგენის ვადა 8 სექტემბერს იწურება. სამუშაოები კი, დაწყებიდან 5 თვეში უნდა დასრულდეს.