თბილისი (GBC) - როგორც  GBC-ს „სილქ როუდ ჯგუფში“ განუცხადეს, “რადისონ წინანდალში“ მოსამზადებელი სამუშაოები  მიმდინარეობს და ამ დროსათვის ხდება ინვესტირების საკითხის გადაწყვეტა.

„რადისონ წინანდალისა“ და „რადისონ ტელეგრაფის“ სასტუმროების მშენებლობის დაწყება 2016 წლის ბოლომდე იგეგმება, - აღნიშნავენ ჯგუფში.

შეგახსენებთ, რომ ჯგუფი ორივე სასტუმროს მშენებლობის დაწყებას მიმდინარე წლის ზაფხულში გეგმავდა.

გეგმის მიხედვით, „რადისონ წინანდალი“ 2018 წლის დასაწყისში გაიხსნება და მის მშენებლობაში ჯგუფი $30 მილიონის დაბანდებას გეგმავდა. „რადისონ ტელეგრაფს“ რაც შეეხება, პროექტში $30-35 მილიონის ინვესტიციის განხორციელება იგეგმება.