თბილისი (GBC) -  Morgan Stanley-ი აშშ დოლარის კურსის ვარდნას პროგნოზირებს. 

ამის შესახებ ბანკი მთავარმა სტრატეგმა ჰანს რედეკერმა განაცხადა. ტელეკომპანია Bloomberg-თან საუბრისას  აღნიშნა, რომ უახლოეს თვეებში დოლარის 5%-იანი გაუფასურებაა მოსალოდნელი, მიზეზად შიდა  მოთხოვნის შემცირება დაასახელა. 

"ჩვენ პესიმისტურად ვართ განწყობილნი აშშ-ს ეკონომიკის სამომავლო პერსპექტივის მიმართ", - თქვა რედეკერმა, მიუთითა, რომ აღნიშნულს შიდა ინდიკატორები აჩვენებს. 

ასევე ბანკის პროგნოზით უახლოეს პერიოდში, აშშ-ს ფედერალური სარეზევო სისტემა პოლიტიკის გამკაცრებას და განაკვეთების გაზრდას არ მოახდენს.

შეგახსენებთ, FED-მა განაკვეთი ბოლოს გასული წლის დეკემბერში გაზარდა, 27 ივლისის სხდომაზე კი, ძირითადი განაკვეთი 0,25-0,50% დიაპაზონში შეინარჩუნა.

 აღნიშნა  ეკონომიკური პროგნოზისთვის მოკლევადიანი რისკების შემცირების შესახებ, თუმცა კარი ღია დატოვა პოლიტიკის გამკაცრებისთვის.